उत्तरी गाजा छाड्न स्थानीयलाई इजरायलको चेतावनी

इजरायलले उत्तरी गाजा छाड्न स्थानीयलाई चेतावनी दिएको छ । सो क्षेत्र खाली नगरे यहाँ बसोबास गर्ने मानिसलाई पनि प्यालेस्टिनी लडाकु समूह हमासको सहयोगी मानिने धम्की इजरायली सेनाले दिएको छ । उता इरानले गाजापट्टी क्षेत्रमा इजरायलले आक्रमण नरोके अवस्था नियन्त्रणभन्दा बाहिर जाने चेतावनी दिएको छ । गाजा क्षेत्रमा भइरहेको सैन्य कारबाही रोक्न इरानले इजरायल र अमेरिकालाई चेतावनी दिएको हो । इरानका विदेश मन्त्री हुसेन अमिर अब्दुल्लाहनले सैन्य कारबाही नरोके मध्य पूर्व नियन्त्रणभन्दा बाहिर जाने बताएका हुन । उनले गाजा क्षेत्रमा मानवता विरुद्धको अपराध भइरहेको भन्दै तत्काल आक्रमण रोक्न आग्रह गरेका छन । इरानले प्यालेस्टाइनको समर्थन गर्दै आएको छ भने अमेरिकाले इजरायललाई सहयोग गर्दै आएको छ । यसैबीच लेबनानले इजरायलको सञ्चार टावरमा आक्रमण गरेको छ । जवाफी कारबाहीमा इजरायलले हिजबुल्लाहका ३ वटा स्थान ध्वस्त पारेको बताइएको छ । गएको असोज २० गते प्यालेस्टाइनको विद्रोही समूह हमासले इजरायलमा आक्रमण गरेपछि गाजा क्षेत्रमा युद्ध चलिरहेको छ ।युद्धका कारण इजरायल र प्यालेस्टाइनका चार हजार जनाभन्दा धेरैको ज्यान गइसकेको छ । मृत्यु हुनेमा १ हजार ४०३ इजरायली र ४ हजार ६ सय ५१ प्यालेस्टिनी नागरिक छन ।