सुनको मूल्यमा नयाँ कीर्तिमान, १ लाख ४५ हजारमा कारोवार

नेपाली बजारमा सुनको मूल्यले नयाँ कीर्तिमान कायम गरेको छ । बिहीबारको कीर्तिमान तोड्दै आज नयाँ कीर्तिमान कायम गरेको हो । आज सुन तोलामा १ हजार रुपैयाँले बढेर १ लाख ४५ हजार रुपैयाँ पुगेको नेपाल सुनचाँदी व्यवसायी महासंघले जनाएको छ । बिहीबार छापावाल सुनको मूल्य तोलामा १ लाख ४४ हजार रुपैयाँ कायम भएको थियो । यस्तै तेजाबी सुन तोलामा १ लाख ४४ हजार तीन सय रुपैयाँमा कारोबार भएको छ । यस्तैगरी चाँदीको मूल्य पनि बढेको छ । आज चाँदी तोलामा ५० रुपैयाँले बढेर १ हजार ९ सय रुपैयाँमा कारोबार भएको छ । बिहीबार १ हजार ८ सय ५० रुपैयाँमा कारोबार भएको थियो ।