सुडानका ७ लाख ५५ हजार मानिस चरम भोकमरीको अवस्थामा

काठमाडौ । सुडानमा दर्जन बढी स्थानमा भोकमरीको जोखिम देखिएको छ । संयुक्त राष्ट्रसंघले सुडानका १० राज्यका सात लाख ५५ हजार मानिसहरु भोकमरीको  विपत्तिजनक पाँचौ चरणको सामना गरिरहेको जनाएको हो । सुडानका ८५ लाख मानिस अर्थात् १८ प्रतिशत जनसङ्ख्या खाद्य सुरक्षाबाट पीडित रहेको विज्ञप्तिमा भनिएको छ । सुडान सन् २०२३ अप्रिलको मध्यदेखि सुडानी सशस्त्र बल र अर्धसैनिक र्यापिड सपोर्ट फोर्सबीचको घातक द्वन्द्वमा फसेको छ । उक्त द्वन्द्वका कारण १६ हजार छ सय ५० भन्दा बढीले ज्यान गुमाइसकेका छन् ।  मानवीय मामिलाको समन्वयका लागि संयुक्त राष्ट्र सङ्घले प्रयास गरिरहेको जनाएको छ । सुडानबाट स्वतन्त्र हुनका लागि गरिएको युद्धका क्रममा सन् १९९८ मा भोकमरी सुरु भएको थियो । यसअघि विश्व खाद्य कार्यक्रमले सुडानका विभिन्न स्थानमा २ करोड सम्म मानिस भोकमरीबाट पीडित हुन सक्ने चेतावनी दिएको थियो ।