गृहमन्त्रीको मुद्दा मिलाउने अनुरोध नमान्दा कैलाश सिरोहिया पक्राउ परेको सम्भव सिरोहियाको दाबी

कान्तिपुर मिडिया ग्रुपका प्रबन्ध निर्देशक सम्भव सिरोहियाले उपप्रधान तथा गृहमन्त्री रवि लामिछानेले मुद्दा मिलाउन गरेको अनुरोध नमान्दा कान्तिपुर मिडिया ग्र्रुपका अध्यक्ष कैलाश सिरोहिया पक्राउ परेको दाबी गरेका छन । सहकारीको बचत अपचलनबारे लगातार लेख्दै आएको कान्तिपुरलाई खबर लुकाइदिन लामिछानेले आग्रह गरेको र सो नमानेपछि अध्यक्ष सिरोहिया पक्राउ परेको उनका छोरासमेत रहेका प्रबन्ध निर्देशक सम्भवले सामाजिक सञ्जालमा भिडियो पोष्ट गरेर दावी गरेका हुन । गृहमन्त्रीको अनुरोधमा कान्तिपुरले सेटिङ नगरेको भएर तल्लो स्तरमा ओर्लिदै शक्ति दुरूपयोग गर्दै झूटो मुद्दा लगाएको उनको भनाइ छ ।  
प्रबन्ध निर्देशक सिरोहियाले बुवा कैलाशले वंशजको नागरिकता पाएको विषयमा पनि प्रष्टिकरण दिएको छन । नौ भाइ छोरामध्ये कैलाश कान्छो रहेको र उनका दाजुहरूले नागरिकता पाउँदा हजुरबुवाले नागरिकता नै नपाएको उनले बताएका छन् । पछि हजुरबुवाले नागरिकता लिएपछि बुवा कैलाशले बंशजको आधारमा नागरिकता प्राप्त गरेको पनि सिरिहियाले दाबी गरेका छन । नागरिकता प्रकरणमा अध्यक्ष सिरोहिया गत जेठ ८ गते पक्राउ परेका थिए । जेठ १६ गते उनलाई  जिल्ला सरकारी वकिलको कार्यालयले हाजिरी जमानीम छाडेको थियो ।