एसईईको नतिजा असार दोस्रो साताभित्र सार्वजनिक गर्ने बोर्डको तयारी
![](https://snowberry.prixacdn.net/media/gallery_folder/1718028783-yO5P1_visBMRQ57q_vwprlafuyk7utxhs6n16pkoxeko8zqzjnypuegygyvpml6tjmjwiu1zq2cip_7KqyrsayK2_qhxe94qho4lumzxhi3roi8dclzm2jqsup0xaoqlzysrlotdvuoo2vao2rv2m.jpg)
राष्ट्रिय परीक्षा बोर्ड, परीक्षा नियन्त्रण कार्यालयले यो वर्षको माध्यमिक शिक्षा परीक्षा एसईईको नतिजा असार दोस्रो साताभित्र सार्वजनिक गर्ने गरी काम भइरहेको जनाएको छ । उत्तरपुस्तिका परीक्षण र अंकभार प्रविष्ट गराउने काम सकिएकाले दुई साताभित्र नतिजा आउने भएको हो । प्राविधिक त्रुटि नदेखिए केही दिनअगाडि नै नतिजा प्रकाशित गर्न र कुनै समस्या भए दोस्रो साताभन्दा पर नजाने गरी काम भइरहेको बोर्डको भनाइ छ । बोर्डले यो बर्ष ५२ परीक्षण केन्द्रमा उत्तरपुस्तिका परीक्षण गरिएको जनाएको छ । गत वर्ष असार २४ मा एसईईको नतिजा सार्वजनिक गरिएको थियो । यो वर्ष सैद्धान्तिक र प्रयोगात्मकलाई फरक गरेर नजिता सार्वजनिक हुँदैछ । यो वर्षको नतिजामा विद्यार्थीले सैद्धान्तिकतर्फ ७५ अंकको परीक्षामा ३५ प्रतिशत अर्थात् २७ अंक अनिवार्य ल्याउनैपर्ने अन्यथा ‘फेल’ भएसरह मानिने छ । गत चैत १५ गतेदेखि सुरु भएको यो वर्षको परीक्षामा नियमिततर्फ चार लाख ६७ हजार र ग्रेड वृद्धितर्फ २१ हजार विद्यार्थीले परीक्षा दिएका छन् ।
प्रतिक्रिया