सरकारले प्रस्तुत गरेको बजेटमाथि आजबाट छलफल, तीन दिनपछि अर्थमन्त्रीले जवाफ दिने
![](https://snowberry.prixacdn.net/media/gallery_folder/sansad%25252520bhawan_lRSJeZ2c56_arlo4unaefgu3clb0wrdidybw156jovru4dhn52y1uenwxzxwyc3tpvo9bfg_JDUfukNb9b_m8ebadv2vteqgw3qdjtwhhkfwhwvlq3uw1zkbgznipzc8vsuqxnhamgua8k5_UwPg3863SF_r5zjevpvpdqrdtbji3hcjxryfy6v6dfzgotgff40ojz4b9faiczyn2kippsl_dNOTVMMuHd_6yl4mdle4isvikwgfeaf734sffdxzbfugo3rl9s1hcxwggdvhlsjkyl8d1bh.jpg)
आगामी आर्थिक वर्ष ०८१/८२ का लागि सरकारले प्रस्तुत गरेको बजेटमाथि आजबाट छलफल हुँदैछ । बजेटमाथि सामान्य छलफललाई प्रतिनिधि सभाले पनि सम्भावित कार्यसूचीमा राखेको छ । छलफलका लागि बिहान ११ बजे प्रतिनिधि सभाको बैठक बोलाइएको छ । अर्थमन्त्री वर्षमान पुनले जेठ १५ गते प्रतिनिधि सभा र राष्ट्रिय सभा दुवैमा आगामी आर्थिक वर्षको वार्षिक बजेट प्रस्तुत गरेका थिए । प्रतिनिधि सभामा आइतबार, सोमबार र मंगलबार बजेटमाथि छलफल हुनेछ भने बुधबार अर्थमन्त्री वर्षमान पुनले जवाफ दिनेछन् । त्यस्तै, राष्ट्रिय सभामा प्रस्तुत उक्त बजेटको राजश्व तथा वार्षिक अनुमानमाथि सामान्य छलफलका लागि १ः१५ बजे बैठक डाकिएको छ । राष्ट्रिय सभामा ३ दिन बजेटमाथि छलफल सकेर २३ गते अर्थमन्त्रीले जवाफ दिनेछन् ।
प्रतिक्रिया