अमेरिकाको न्युयोर्कमा शक्तिशाली आँधीपछि आपतकालीन अवस्थाको घोषणा, आँधीपछिको बाढीले सडक र विमानस्थल अस्तव्यस्त
असोज १३, २०८० शनिबार
काठमाडौं । अमेरिकाको न्युयोर्कमा आँधीका कारण आपत्कालीन अवस्था घोषणा गरिएको छ । न्युयोर्क सहरमा शक्तिशाली आँधीपछिको बाढीका कारण आपत्कालीन अवस्थाको घोषणा गरिएको हो । त्यहाँ मुख्य गरी सडक र विमानस्थल अस्तव्यस्त भएको छ । लागार्डिया एअरपोर्टको एउटा टर्मिनल बाढीपछि बन्द गरिएको बीबीसीले जनाएको छ । जनजीवन प्रभावित भएको छ । केही क्षेत्रमा पाँच इन्च अर्थात् १२ दशमलव ७ सेन्टिमिटरसम्म पानी परेको छ । न्युयोर्कका गभर्नर क्याथी होचुलले मानिसलाई सुरक्षित रहन र बाढी पसेका सडकमा यात्रा नगर्न आग्रह गर्नुभएको छ । हवाई यात्रुलाई पनि यात्रा गर्नुपूर्व अधिकारीसँग सोधीखोजी गर्न अनुरोध गरिएको छ । बाढीमा फसेका ६ जनाको उद्धार भएको र थप क्षतिको विवरण प्राप्त नभएको उद्धारमा संलग्न अधिकारीलाई उद्धृत गरी बीबीसीले जनाएको छ ।
उत्तरी गाजा छाड्न स्थानीयलाई इजरायलको चेतावनी
इजरायलद्वारा गाजास्थित एक अस्पतालमा आक्रमण, कम्तिमा पाँच सय जनाको मृत्यु
विश्वविद्यालयमा भर्नाको आरक्षण खारेज गर्न अमेरिकी अदालतको आदेश
साउदी अरेबियामा अहिलेसम्मकै विशाल हज यात्रा शुरु
होण्डुरसको महिला कारागारमा भएको दंगामा ४१ जना महिलाको मृत्यु
भारतीय प्रधानमन्त्री मोदी आजदेखि अमेरिकाको राजकीय भ्रमणमा
भारतीय प्रधानमन्त्री मोदी आजदेखि अमेरिकाको राजकीय भ्रमणमा
प्रतिक्रिया