कांग्रेसले आज सहकारी ठगीविरुद्ध सडक प्रदर्शन गर्दै
काठमाडौंको प्रदर्शनीमार्गमा दिउँसो आमसभाको तयारी
![](https://snowberry.prixacdn.net/media/gallery_folder/congress_6L06gf9mp8_2etx6cntjyqigsvceifaaopnxckpc1mctibwqny9qu6n26jinvtegojvgi05_TN1nUhW6Or_rebghsk0i3ezqacglhv7949yptllbejphs17upfxdeo50tbictifl5r6lhq9_aqWbk2P4Q0_a96xett0cshp9j3yvkhfyga7obitatatmhcdlubzowlxwyyzu1tpqa5qe4vc_aHGxrrGHRO_hljjtmld1vmwgufzifai1d9mvv1v96lmgt9ie07r8q8ggdevpjejkpsabs7p_p4wVSwNe52_kyy3kqmjlwimvjbd4gaaxj2x0eopvtpvtrmjrfj8cl8odq4c2hicl3fbp6n2_JqOPtBZmBG_fbs4qbbf0ziipvbcsoh2ng5zmpyfbj6ragzrwhlei6vswhbd3ccjrd11ws4x.png)
सहमतिका लागि निरन्तर संवादमा रहेको प्रमुख प्रतिपक्ष दल नेपाली कांग्रेसले आज सहकारी ठगीविरुद्ध सडक प्रदर्शन गर्दै छ ।कांग्रेसले काठमाडौं उपत्यकाका तीन जिल्लाका १५ वटा निर्वाचन क्षेत्रबाट प्रदर्शन गर्न लागेको हो विभिन्न क्षेत्रबाट आएका प्रदर्शनकारी दिउँसो १ बजे प्रदर्शनीमार्ग भृकुटीमण्डपमा आइपुग्ने कांग्रेसले जनाएको छ । सहकारीको बचत अपचलन तथा ठगीविरुद्ध कांग्रेसले सडक आन्दोलन गर्न लागेको हो । कांग्रेसले सहकारी बचतकर्ताको रकम फिर्ता दिनुपर्ने, गृहमन्त्री रवि लामिछानेमाथि संसदीय छानबिन हुनुपर्नेसहितका माग अघि सारेको छ । कांग्रेसले फागुनदेखि संसदमासमेत सहकारीको विषय उठाएर छानबिनको माग गर्दै आएको छ । सरकार भने कांग्रेसको माग दबाउँदै जतिसक्यो बढी नेपाली सहकारी पीडितलाई अझ बढी पीडामा पार्ने योजनामा लागेको कांग्रेसको बुझाइ छ । कांग्रेसले ३१ हजार ३७३ सहकारीमा आबद्ध ७३ लाख ८१ हजार सर्वसाधारणको धेरै बचत यसरी सहकारीका सीमित सञ्चालक र निजी कम्पनीहरूले संगठित रूपमा अपचलन, ठगी र दुरुपयोग गरेको जनाएको छ । विभिन्न सहकारीबाट झन्डै पाँच खर्ब रुपैयाँ अपचलन भएको कांग्रेसको ठहर छ ।
प्रतिक्रिया