विद्यार्थी चढेको जीप मुगुमा दुर्घटना, ११ जना घाइते
![](https://snowberry.prixacdn.net/media/gallery_folder/bara%2520durghatana%25201_Yg79IHev1g_pdx3gjsbag3rrx8tuyzanqz84lfq7uzt4eydxibqx0beazlnjunpqaazdjou_J4nPVgEFoM_zv729c7fgcvncxb7pbvvi1n8lgft2wpiy7gw28vmm0wdsr7ehd94w2oirs54.jpg)
बाजुराको जनप्रकाश माबिका बिध्यार्थी शैक्षिक भ्रमणका क्रममा रारा जान लागेको जीप दुर्घटनामा परेको छ । जीपमा सवार ११ जना बिध्यार्थी, शिक्षक र चालक घाइते भएको बताइएको छ । मुगुको खत्याड गाउँपालिका वडा नं २ जाम हिलटपमा जीप दुर्घटना भएको भएको हो । बाजुराको बुढीनन्दा नगरपालिका वडा नं दुई कोल्टीमा रहेको जन प्रकाश माध्यामिक विद्यालयमा अध्ययनरत विद्यार्थी चढेको जीप दुर्घटना हुँदा शिक्षक र विद्यार्थी घाइते भएको प्रहरी जनाएको छ । रारा शैक्षिक भ्रमणका लागि गएका कक्षा १० मा अध्ययरत विद्यार्थी चढेको ग १ ज ८२४९ नम्बरको जीप दुर्घटना हुँदा उनीहरु घाइते भएको श्रीकोट रोल प्रहरी चौकीले जनाएको छ । घाइते हुनेमा ११ जना विद्यार्थी, २ जना शिक्षिका र जीप चालक रहेका छन् । घाइते विद्यार्थी, शिक्षिका र चालकको खत्याड गाउँपालिका रहेको प्राथमिक स्वास्थ्य केन्द्र रातापानीमा उपचार भैरहेको छ । घाइते सबैको अवस्था मध्यम रहेको प्रहरीले जनाएको छ ।
प्रतिक्रिया