प्रदिता राजकर्णिकारको निधनप्रति राष्ट्रपति, प्रधानमन्त्री तथा सार्क चेम्बर अफ कमर्शवाट समवेदना प्रकट
![](https://snowberry.prixacdn.net/media/gallery_folder/438271366_1010321970520733_8564229147823352483_n_ZBDFlp0ZWm_qewvbmfq2ologjmpum6xjnxybkn1vlqoi2m1gktbmjjel0prrg7dkv99byoe_Ar8QWrtFfi_qizpnivc9p3dcmt4hrs3rliyhctsvam5keuea64df6f12in3rbgz44oyhz0w.jpg)
एभिन्यूज खबरका कार्यकारी अध्यक्ष भाष्करराज राजकर्णिकारलाई पत्नी प्रदिता राजकर्णिकारको निधनप्रति राष्ट्रपति रामचन्द्र पौडेल, प्रधानमन्त्री पुष्पकमल दाहाल लगायतले दुःख प्रकट गरेका छन । राजकर्णिकारलाई समवेदन सन्देश पठाउने राष्ट्रपति पौडेलले प्रदिता राजकर्णिकारको निधनप्रति दुःख प्रकट गर्दै परिवारप्रति समवेदना प्रकट गरेका हुन । त्यस्तै प्रधानमन्त्री पुष्पकमल दाहालले पनि राजकर्णिकार परिवारमा परेको शोकप्रति सहानुभूति प्रकट गर्दै मृत आत्माको चीरशान्तिको कामना गरेका छन । त्यस्तै सार्क चेम्बर अफ कमर्श नेपाल च्याप्टरकातर्फवाट सार्क चेम्बर अफ कमर्शका उपाध्यक्ष चण्डिराज ढकाल र कार्यकारिणी सदस्य लगायतको टोलीले पनि बुढानिलकण्ठस्थित निवासमा पुगेर समवेदना प्रकट गरेको छ । राजकर्णिकार समाजका तर्फवाट अध्यक्ष किरण गोविन्द राजकर्णिकार सहितको टोलीले पनि परिवारप्रति समवेदना प्रकट गरेको छ । यसअघि पूर्वराजा ज्ञानेन्द्र शाह, विभिन्न राजनीतिक दलका नेता तथा संघसंस्थाका प्रतिनिधिले पनि समवेदना प्रकट गरेका थिए । श्रीमति प्रदिता राजकर्णिकारको आईतबार विहान ६० वर्षको उमेरमा मुटु सम्बन्धी समस्यावाट उपचारको क्रममा नर्भिक अस्पतालमा निधन भएको थियो । अहिले राजकर्णिकार परिवार बुढानिलकण्ठस्थित निवासमा बौद्ध परम्परा अनुसार किरियामा रहेको छ ।
प्रतिक्रिया