भेटेरिनरी अस्पताल सर्लाहीका तत्कालीन निमित्त प्रमुखसहित ६ जनाविरुद्ध भ्रष्टाचार मुद्दा
![](https://snowberry.prixacdn.net/media/gallery_folder/Akhtiyar_cIKRG2SJBy_vvnmimmivmgb7fv1qrobdebbjzschdrvyarha2hpzmfreazw16zhxr2fzxgf_PO56UXFPuD_cf2yq05rorpoz0mhxmraiie7mwipccjieimtdp66s3dfns8z4eeqlm6s1vz1.png)
सर्लाहीस्थित भेटेरिनरी अस्पताल तथा पशुसेवा विज्ञ केन्द्र सर्लाहीका तत्कालीन निमित्त कार्यालय प्रमुख डा. सुनिल कुमार यादवसहित ६ जनाविरुद्ध भ्रष्टाचार मुद्दा दायर भएको छ । निमित्त कार्यालय प्रमुख यादव, भेटेरिनरी अस्पताल तथा पशुसेवा विज्ञ केन्द्र सर्लाहीका तत्कालीन योजना शाखा प्रमुख सुरेन्द्र महतो कोइरी, चक्रघट्टा ९ का तत्कालीन वडा अध्यक्ष श्रीराम ईश्वर ठाकुर लोहार र आम्रपाली सहकारीका अध्यक्ष मृगेन्द्र प्रसाद यादव, उपाध्यक्ष जय नारायण राय र व्यवस्थापक जय नन्दन राय यादवविरुद्ध अख्तियारले मुद्दा दायर गरेको हो । उनीहरूविरुद्ध आज बिशेष अदालत काठमाडौंमा आरोपपत्र दायर गरिएको अख्तियारले जनाएको छ । चक्रघट्टा ९ गोइयाहीमा संचालित आम्रपाली बहुमुखी सहकारी संस्थालाई भेटेरिनरी अस्पताल तथा पशुसेवा विज्ञ केन्द्र मंलगवा सर्लाहीबाट आव २०७५÷०७६ मा कृषि सेड निर्माणको लागि रकम उपलब्ध गराएकोमा उक्त रकम हिनामिना गरेको अख्तियारको दाबी छ । आम्रपाली सहकारीलाई रू९ लाख ७७ हजार १६ रुपैयाँ ९४ पैसा बढी भुक्तानी दिई भ्रष्टाचार गरेको अख्तियारको ठहर छ ।
प्रतिक्रिया