दुध किसानलाई भुक्तानी दिन सरकारले सहुलियत ऋण उपलब्ध गराउने
![](https://snowberry.prixacdn.net/media/gallery_folder/ddc_cLb46RJ0mJ_oiaufdj4h2trgvpwyfx2hq5ptunzkgq4uowripr2sgoub6rnvbhokxo1ckgf_9sKFpikV1t_zff2ypknt9kheyjbnxvrbn0wcn4irmaayqwku7hulpwe3i96za93awghjuor.jpeg)
कृषि तथा पशुपन्छी विकास मन्त्रालयले दुध किसानलाई भुक्तानी दिलाउनका लागि दुग्ध विकास संस्थान डिडिसी तथा निजी क्षेत्रका डेरी उद्योगीलाई सहुलियत ऋणका लागि सहजीकरण गर्ने भएको छ । प्रधानमन्त्री पुष्पकमल दाहालले दुध किसानलाई तत्कालै भुक्तानी दिलाउन निर्देशन दिएपछि कृषि मन्त्रालय त्यसका लागि पहल सुरु गरेको हो । प्रधानमन्त्री दाहालले निर्देशन दिएपछि पनि किसानले समयमा भुक्तानी नभएको भन्दै देशभर विरोध जारी राखेका छन । कृषि मन्त्रालयले सहुलित ऋण अनुदानमा डिडिसीलाई ३० करोड रुपियाँ दिने भएको छ । त्यसका लागि अर्थ मन्त्रालयले सैद्धान्तिक सहमति पनि दिइसकेको छ । यो हप्ताभित्र डिडिसीले सो रकम पाउने र सो सो रकमबाट डिडिसीले किसानको बक्यौता रकम भुक्तानी गर्ने तयारी छ । निजी क्षेत्रका डेरी उद्योगीले पहल गरेका त्यसका लागि पनि मन्त्रालयले सहजीकरण गरिदिने बताइएको छ । त्यसका लागि निजी क्षेत्रले सबै प्रक्रिया पूरा गरेर निवेदन दिनुपर्ने मन्त्रालयको भनाइ छ । यो महिनाभित्र जसरी पनि किसानको बक्यौता रकम भुक्तानी गराउन मन्त्रालयले पहल गर्ने बताइएको छ । डिडिसी तथा निजी क्षेत्रको गरी किसानलाई भुक्तानी गर्नुपर्ने पाँच अर्बभन्दा बढी रकम बाँकी रहेको राष्ट्रिय दुग्ध विकास बोर्डले जनाएको छ । त्यसमध्ये सबभन्दा बढी रकम डिडिसीको बक्यौता रहेको बताइएको छ । डिडिसीका अनुसार ५० करोड रुपियाँ किसानलाई भुक्तानी गर्न बाँकी रहेको छ । दुधका किसानहरू मङ्गलबारदेखि आन्दोलन सुरु गरेका छन् ।
प्रतिक्रिया