जन्ती बोकेको जीप दुर्घटना हुँदा दुई जनाको मृत्यु
![](https://snowberry.prixacdn.net/media/gallery_folder/1554963163accident-768x541_INEBFqW8l4_ut8aurljkfaua9sabg9osnwr3hrjq0cnumnx4pa4xz4qnwc9d5l6b3jyzaiw_0u84yYIi4p_0r2t6guxaypskcljv6erx1rjmjvbsphfhlkkryugvq7fxxrc3lqb7gtzfd1y_eQdOpHPyB9_gu6xet7x9hptp3dutaztoa1ctcxygjmlfywtlbdemqabjrmavplumr7sjouc_20ljAdL3kP_bjyhnaoho70j3dliscxlpimehcwsa4usvcksarn2ea4qsukioic0ywlgfvyx_dHo9FFK1lZ_0otbxbxeb83tjsrqlhzxbmafyuvivvukwmc7zsbolomd8uewz3fid73ddecp.jpg)
तनहुँको आँबुखैरेनी गाउँपालिका–१ गिरौनचोरस्थित भित्री सडकखण्डमा आज बिहान जन्ती बोकेको जीप दुर्घटना हुँदा दुई जनाको मृत्यु भएको छ । बरादी–हिलेखर्कस्थित भित्री सकखण्डमा जन्ती लिएर गइरहेको बा१८च ५९२१ नम्बरको बोलेरो जीप दुर्घटना हुँदा दुई जनाको मृत्यु भएको हो । मृत्यु हुनेमा आँबुखैरेनी गाउँपालिका–६ छापस्वाँराका ७२ वर्षीय आशवीर गुरुङ र व्यास नगरपालिका–९ गजौडे का १७ वर्षीया तुलसी गुरुङ रहेका छन । आशवीरको घटनास्थलमै र तुलसीको उपचारका क्रममा चितवनस्थित नयाँ मेडिकल कलेजमा मृत्यु भएको हो । बरादी–हिलेखर्कस्थित भित्री सकखण्डमा जन्ती बोकेको जीप अनियन्त्रित भई सडकबाट अन्दाजी ५ सय मिटर तल जीप खसेर दुर्घटना भएको हो । दुर्घटनामा १६ जना घाइते भएका छन् । घाइतेहरुको आँबुखैरेनी अस्पताल र चितवनस्थित नयाँ मेडिकल कलेजमा उपचार भैरहेको छ ।।
प्रतिक्रिया