साउथ क्यारोलिनाको प्रारम्भिक निर्वाचनमा बाइडेनलाई सफलता

साउथ क्यारोलिना राज्यको प्राइमरी चुनावमा डेमोक्रेटिक पार्टीको तर्फबाट राष्ट्रपति जो बाइडेनले जित हात पारेका छन् । अमेरिकामा यो वर्ष हुन लागेको राष्ट्रपति निर्वाचन अघि रिपब्लिकन पार्टीले गरेको निर्वाचनमा बाइडेनले सफलता हासिल गरेका हुन । उनले साउथ क्यारोलिनामा अश्वेत मतदाताको मत पाएका छन् । २०२० मा पनि बाइडेनलाई राष्ट्रपति बनाउन यहाँका मतदाताले महत्त्वपूर्ण भूमिका खेलेका थिए । डेमोक्रेटिक पार्टीका अनुसार साउथ क्यारोलिनामा बाइडेनलाई मतदान गर्ने अश्वेत मतदाताको संख्या २०२० को तुलनामा १३% ले बढेको छ ।  राष्ट्रपतिका लागि बाइडेनले उम्मेदवारी दर्ता गराएको साउथ क्यारोलिना पहिलो राज्य थियो । यसअघि न्यु ह्याम्पशायरमा डेमोक्रेटिक पार्टीको चुनावमा राष्ट्रपति बाइडेनको नाम थिएन । यसका बाबजुद पनि उनले भारी बहुमतका साथ विजयी भएका थिए । निर्वाचन परिणाम पछि बाइडेनले आगामी निर्वाचनमा ट्रम्पलाई पराजित गर्ने विश्वास प्रकट गरेका छन । साउथ क्यारोलिनामा रिपब्लिकन पार्टीको प्राइमरी फेब्रुअरी २३ मा हुनेछ । यसमा निक्की र ट्रम्प आमनेसामने हुनेछन् ।  रिपब्लिकन र डेमोक्र्याट दुवै दलले प्राइमरी र ककस चुनावमार्फत राष्ट्रपतिका उम्मेदवार छनोट गरिरहेका छन् । मार्चदेखि जुनको बिचमा  दुवै दलका उम्मेदवार टुङ्गो लाग्ने बताइएको छ ।