दशैं–तिहारका च्याङ्ग्रा नबिकेपछि सूचना निकालेर लिलाम
![](https://snowberry.prixacdn.net/media/gallery_folder/changra-rss1664326774-1024x683_uh78vPQC9k_7kpsw2ivfykej5vvb8jmtpgo1nxb1tk8dla4nzgxhwuyqvrkzjruwbremlp4_ZLf1kGj5Bp_wap9jvzx6oimguqpexiudfk6fuei0rubaao8jlnjt0zaasktgrzgx0aavktg.jpg)
दशैं–तिहारका च्याङ्ग्रा नबिकेपछि खाद्य व्यवस्था तथा व्यापार कम्पनी लिमिटेडले लिलामीको सूचना निकालेको छ । आज सार्वजनिक सुूचना प्रकाशित गरेर कम्पनीले खसी–बोका बिक्री भए पनि च्याङ्ग्रा नबिकेपछि एकमुष्ट लिलाम गर्न लागेको जानकारी दिएको हो । थापाथलीस्थित खाद्य व्यवस्था तथा व्यापार कम्पनी लिमिटेडको खोरमा हाल ९० वटा च्याङ्ग्रा बाँकी छन् । ती च्याङ्ग्राको औसत तौल ३० देखि ३५ किलोको बीचमा छन । उपभोक्तालाई सहुलियत दरमा बिक्री वितरण गर्न भनेर सरकारी स्वामित्वको खाद्य व्यवस्था तथा व्यापार कम्पनी लिमिटेडले खसी, बोका र च्याङ्ग्रा किनेको थियो । दशैंमा कम्पनीले च्याङ्ग्राको मूल्य १ हजार २५० रुपैयाँ प्रतिकिलो तोकेको थियो । च्याङ्ग्रामा ग्राहकको आकर्षण नदेखिएपछि भाउ घटाउँदा पनि नबिकेपछि लिलामी गर्न लागिएको हो । लिलामीका लागि न्यूनतम कबोल दर प्रतिकेजी १ हजार १ सय २५ रुपैयाँ तोकिएको छ ।
प्रतिक्रिया