रुकुम पश्चिममा जीप दुर्घटना हुँदा २२ जना घाइते
![](https://snowberry.prixacdn.net/media/gallery_folder/Rukum_West_jep_Accident-1700458402_xIFvZ4nHA6_vbeo5f4gnclrakhfhjqqyjotoifuj3c3rmdbjemmah2c95guyup8jamd0uvo_nwmbLJ1Hcz_aj6yugxjmpixmlih2we3o7n24eexujkuhpm4jbpae3bbb2q6qmdg2u5ctqe0.jpg)
रुकुम पश्चिममा जीप दुर्घटना हुँदा २२ जना घाइते भएका छन् । बिहान चौरजहारी नगरपालिका–८ को गोइरीज्युलामा लु १ ज २२९७ नम्बरको जीप दुर्घटना हुँदा जीपमा रहेका सबै घाइते भएका हुन । घाइतेमध्ये सात जनाको अवस्था गम्भीर भएको प्रहरीले जनाएको छ । सामान्य घाइतेको चौरजहारी अस्पतालमा उपचार भैरहेको छ । गम्भीर घाइते पाँच जनालाई हेलिकप्टरमार्फत थप उपचारका लागि बाहिरी जिल्ला लैजाने तयारी भइरहेको छ । सिकिस्त घाइतेमध्यका दुई जनालाई भने एम्बुलेन्समार्फत सुर्खेत पठाइएको छ । चौरजहारी नगरपालिका वडा नम्बर १० खोला गाउँबाट जिल्ला सदरमुकाम मुसिकोटका लागि छुटेको जीप दुर्घटना भएको हो । दुर्घटनाको कारण खुलेको छैन ।
प्रतिक्रिया