काठमाडौ। ललितपुर जिल्ला प्रशासन कार्यालयले कान्ति लोकपथमा पाँच दिनसम्म सवारी आवागमन रोक्ने निर्णय गरेको छ । निरन्तरको वर्षा र सडकमा बढ्दो जोखिमका कारण असोज १७ गतेदेखि २१ गतेसम्म ठूला सवारी साधन पूर्णरूपमा बन्द हुने भएका छन् । प्रशासनले जारी गरेको सूचनाअनुसार, साना सवारी साधन भने बिहान ६ बजेदेखि दिउँसो ११ बजेसम्म मात्र सञ्चालन गर्न पाइनेछ । मकवानपुरतर्फबाट ललितपुर प्रवेश गर्ने सवारी साधन बागमती गाउँपालिकाको बायपु मार्ग हुँदै र ललितपुरतर्फबाट मकवानपुर जाने सवारी साधन टिकाभैरव मार्ग हुँदै तोकिएको समयमा मात्रै सञ्चालन गर्न अनुमति दिइएको छ । यात्रुको सुरक्षा प्राथमिकतामा रहेकाले प्रशासनले तोकिएको समय बाहेक यात्रा नगर्न आग्रह गरेको छ।
