चितवन । चितवनको माडी नगरपालिका–२ भैरवपुरमा करेन्ट लागेर २० वर्षको एउटा भाले गैँडा मृत फेला परेको छ ।
चितवन राष्ट्रिय निकुञ्जका अनुसार आज बिहान साँढे ९ बजे गैँडा धानबारीमा करेन्ट लागेर मरेको अवस्थामा भेटिएको हो ।
गैँडाको खाग, खुर सुरक्षित रहेको जनाउँदै निकुञ्जले कसले कुन प्रयोजनका लागि धानबारीमा विद्युतीय करेन्ट छोडेको हो भन्ने विषयमा अनुसन्धान शुरु गरिएको जनाइएको छ ।
