काठमाडौ। कमलामाई नगरपालिकाका प्रमुख उपेन्द्र कुमार पोख्रेलले शिक्षक शंकर प्रसाद ढकाल र विष्णु प्रसाद फुयाँललाई तोकिएको विद्यालयमा हाजिर हुन आग्रह गरेका छन्। सरुवा अस्वीकार गर्दै आमरण अनशनमा बसेका शिक्षकद्धोय ढकाल र फुयाँललाई तोकिएको विद्यालयमा हाजिर हुन प्रमुख पोख्रेलले आग्रह गरेका हुन् ।
पोख्रेलले शिक्षक सरुवा नियमित प्रक्रिया भएको स्पष्ट पार्दै शिक्षाको गुणस्तर सुधार र प्रणाली सुदृढीकरणका लागि निर्णय गरिएको बताए।
उनीहरूले लामो समयदेखि एउटै विद्यालयमा कार्यरत रहेको र सरुवासँग सम्बन्धित उजुरीसमेत अख्तियारमा परेको पृष्ठभूमिमा विवाद चर्किएको हो।
अधिकांश शिक्षकले सरुवा स्वीकार गरिसकेको बताउँदै पोख्रेलले अस्वीकार गरे कारबाही हुने चेतावनी दिएका छन्।
