काठमाडौं । नेपाल भ्रमणमा रहेकी भियतनामकी उपराष्ट्रपति भो थी आन सुआनले समकक्षी रामसहाय प्रसाद यादवसँग शिष्टाचार भेटवार्ता गरेकी छन् ।
उपराष्ट्रपतिको कार्यालयमा भएको भेटमा दुई देशबीचको आपसी सम्वन्ध र सहकार्यका विविध विषयमा छलफल भएको जनाइएको छ । उनले आजै प्रधानमन्त्री केपी ओलीसँग पनि भेटवार्ता गर्ने कार्यक्रम रहेको छ ।
उनी नेपाल र भियतनामबीच कूटनीतिक सम्बन्ध स्थापना भएको ५० आँै वार्षिकोत्सव समारोहमापनि सहभागी हुनेछिन । उपराष्ट्रपति यादवको औपचारिक निमन्त्रणामा उनी शनिबार नेपाल भ्रमणमा आएकी थिइन् ।
शनिवार नै उनले परराष्ट्रमन्त्री आरजु राणा देउवासँग भेटवार्ता गरेर दुई पक्षीय हितमा छलफल गरेकी थिइन् । उपराष्ट्रपति सुआनले सोमबार राष्ट्रपति रामचन्द्र पौडेलसँग भेटवार्ता गर्ने कार्यक्रम छ । उनले पाटन दरबार स्क्वायर, स्वयम्भूनाथ लगायतका स्थान भ्रमण गर्ने कार्यक्रम छ ।
