सल्यानमा गुडिरहेको बसमा करेन्ट प्रवाह हुँदा दुई जनाको मृत्यु

गुडिरहेको बसमा करेन्ट प्रवाह हुँदा सल्यानमा दुई जनाको मृत्यु भएको छ । दाङको तुलसीपुरबाट रोल्पा जाँदै गरेको रा.१ख ८३४ नम्बरको बसमा राप्ती लोकमार्गअन्तर्गत दाङ–सल्यान सडकखण्डको कपुरकोट–३ चोरखोला नजिक लत्रिएको विद्युतको तारले बसलाई छुँदा दुई जना यात्रुको घटनास्थलमै मृत्यु भएको हो । मृत्यु हुनेमा रोल्पा गंगादेब गाउपालिका–४ का बालाराम डाँगी र टोपलाल डाँगी रहेका छन् । उनीहरु बाबुछोरा रहेको प्रहरीले जनाएको छ । गम्भीर घाइते सल्यान छायाक्षेत्र गाउपालिका–६ का महेन्द्र वलिलाई उपचारका लागि दाङ पठाइएको प्रहरीले जनाएको छ । घटनाबारे थप अनुसन्धान भैरहेको प्रहरीको भनाइ छ ।