एमालेसहितका तीन दलले कानुन पारित हुन नदिएको  मिटरब्याज पीडितको आरोप

मिटरब्याजविरुद्धको कानुन पारित गर्न माग गर्दै मिटरब्याज पीडितहरूले काठमाडौंमा प्रदर्शन गरेका छन् । आज  काठमाडौंको माइतीघर मण्डलादेखि नयाँ बानेश्वरसम्म मिटरब्याजपीडितहरूले प्रदर्शन गरेका हुन् । कानुन निष्क्रिय भएसँगै मिटरब्याजपीडितहरूले कानुन पारित हुनुपर्ने माग राख्दै प्रदर्शन गरेका हुन । 
मिटरब्याज पीडितले एमाले, राप्रपा र रास्वपा तीनवटा पार्टीहरू मिलेर मिटरब्याजविरुद्धको कानुन पारित हुन नदिएको आरोप लगाएका छन । 
पीडितले संसद्बाट मिटरब्याजविरुद्धको कानुन पारित नभएसम्म आन्दोलन जारी राख्ने चेतावनी दिएका छन ।  न्याय नपाएसम्म सडक आन्दोलन गर्ने उनीहरुको भनाइ छ । मिटरब्याज पीडितको समस्या समाधानका लागि सरकारले २० वैशाखमा ल्याएको मुलुकी संहितासम्बन्धी केही नेपाल ऐनलाई संशोधन गर्ने अध्यादेश २०८० को प्रतिस्थापन विधेयक निष्क्रिय भएको छ । पीडितहरूले सरकारले माग सम्बोधन गर्न छानबिन आयोग बनाएर पनि कारबाही गर्न बनेको कानुन निष्क्रिय भएसँगै मिटरब्याजी आक्रोशित भएका हुन ।