काठमाडौं । नेपालमा दर्ता नभएका सामाजिक सञ्जाल निष्क्रिय गर्ने सरकारको निर्णयपछि एकपछि अर्को गर्दै कम्पनी सम्पर्कमा आउन थालेका छन् ।
बिहीबार सरकारले मेटा अन्तर्गतका फेसबुकसहित विभिन्न २६ वटा प्लेटफर्म नेपालमा बन्द गर्ने घोषणा गरेपछि त्यसको केही घण्टामै मेटाका प्रतिनिधिले सञ्चार तथा सूचना प्रविधि मन्त्रालयसँग दर्ता प्रक्रियाबारे जानकारी लिन खोजेका थिए ।
त्यस्तै, मस्कको एकल स्वामित्व रहेको एक्सले पनि दर्ता प्रक्रियाका लागि नेपाल सरकारसँग सम्पर्क गरेको छ ।
प्राधिकरणको पत्र र सर्वोच्च अदालतको आदेश, नेपाल सरकार मन्त्रिपरिषद्को निर्णय र सञ्चार तथा सूचना प्रविधि मन्त्रालयको मन्त्रीस्तरीय निर्णय बमोजिम फेसबुक, म्यासेन्जर, इन्स्टाग्राम, युट्युब, ह्वाट्सएप लगायत सामाजिक सञ्जाल बन्द गरिएका छन् ।
