जनकपुर । जनकपुरधामस्थित ऐतिहासिक राजदेवी मन्दिरलाई यस वर्षको दशैंमा विशेष सजावट गरिएको छ ।
महावीर युवा कमिटीको अग्रसरतामा फूल, रङ्गीन बत्ती र तोरणहरूले मन्दिर भव्य बनेको छ । पछिल्लो समय मिथिलाका जनकवंशी राजाहरूको कुलदेवीका रूपमा प्रतिष्ठित रहेको विश्वास गरिएको यो मन्दिरमा देवीलाई माटोको ढिस्कोका रूपमा पूजा गर्ने परम्परा छ ।
दशैंभर हजारौँ भक्तजन यहाँ भेला भई दुर्गा पूजा, प्रसाद, विजय जुलुस र विभिन्न सांस्कृतिक कार्यक्रमहरूमा सहभागी हुने गर्दछन् ।
यसले जनकपुरधामलाई धार्मिक तथा सांस्कृतिक केन्द्रका रूपमा जीवन्त बनाउँदै आएको छ ।
