काठमाडौ। प्रतिनिधिसभाको बैठक भोलि शुक्रवारसम्मका लागि स्थगित भएको छ। विपक्षी दलहरूले अवरोधका कारण प्रतिनिधि सभाको बैठक भोलि सम्मका लागि स्थगित भएको हो। बैठक सुरु हुनासाथ विपक्षीले उठेर अवरोध गरे ।
विपक्षी दलहरूले भिजिट भिसा प्रकरणमा जोडिएका गृहमन्त्री रमेश लेखकको राजीनामा र उच्चस्तरीय छानबिन समितिको माग गर्दै सदन अवरोध गरेका हुन् ।
सभामुख देवराज घिमिरेले दलीय आधारमा बोल्न दिने भन्दै बस्न आग्रह गर्दा पनि उनीहरूले मानेनन् ।
गृहमन्त्रीले पनि बोल्नको लागि समय मागेको भन्दै बैठक चलाएर सहयोग गर्न सभामुखले आग्रह गरे । विरोध कायमै राखेपछि सभामुखले भोलि १ बजेसम्मलाई बैठक स्थगित गरेका छन् ।
