एजेन्सी । रुसका राष्ट्रपति भ्लादिमिर पुटिन र चीनका राष्ट्रपति सी जिनफिङबीच आज भेटवार्ता हुँदैछ ।
उच्चस्तरीय बैठकमा युक्रेन सङ्कट तथा रुस–अमेरिका सम्बन्धका विषयमा गहन छलफल हुने जानकारी क्रेमलिनले दिएको छ ।
अन्तर्राष्ट्रिय सञ्चार माध्यमका अनुसार राष्ट्रपतिद्वय पुटिन र सीबीचको यो वार्ता दुई देशको आपसी समझदारी र क्षेत्रीय तथा अन्तर्राष्ट्रिय मुद्दामा परस्पर समन्वयको निरन्तरताका रूपमा लिइएको छ । रुसले फेब्रुअरी सन् २०२२ मा युक्रेनमा सैन्य अभियान आरम्भ गरेयता मस्को र बेइजिङबीचको सम्बन्ध थप सुदृढ हुँदै गएको छ ।
राष्ट्रपति सी मे ९ मा मस्कोस्थित रेड स्क्वायरमा आयोजना हुने रुसको ऐतिहासिक विजय दिवस परेडमा प्रमुख अतिथिको रूपमा सहभागी हुने समाचारमा उल्लेख छ ।
