काठमाडौं । महाकाली नदीमा पानीको बहाव बढेपछि बनबासा पुलमा चार पाङ्ग्रे सवारी सञ्चालनमा रोक लगाइएको छ ।
सुदूरपश्चिममा बुधबार रातिदेखिको अविरल वर्षाका कारण महाकाली नदीमा पानीको प्रवाह बढेको हो । पानीको प्रवाह बढेपछि शारदा ब्यारेजको पुलमा ठूला सवारी साधन सञ्चालनमा रोक लगाइएको छ ।
जिल्ला प्रहरी कार्यालय कञ्चनपुरका अनुसार आज बिहान ११ बजेसम्म्ममा पानीको प्रवाह एक लाख २६ हजार ७१२ क्यूसेक मापन भएको छ । वर्षा भइरहेकाले पानीको प्रवाह अझै बढ्न सक्ने बताइएको छ ।
नेपाल भारत सीमामा रहेको बनबासा पुलमा चार पाङ्ग्रे सवारी साधन आवतजावतमा रोक लगाइएको छ ।
