काठमाडौं । धर्मराज अर्याल “श्रमिक” द्वारा लिखित नारी उत्थानका उपायहरु नामक निबन्धात्मक पुस्तक सार्वजनिक गरिएको छ ।
सोमबार काठमाडौमा आयोजित एक कार्यक्रममकाबीच सो पुस्तक सार्वजनिक गरिएको हो । नेपाली साहित्यको बिविध बिधामा कलम चलाउँदै आएका अर्यालको नारी उत्थानका उपायहरु पछिल्लो कृति हो । सो पुस्तकमा पुरुषको तुलनामा नारीको स्थान विशिष्ट रहेको भन्दै नारीको योगदान लगायत बिभिन्न पक्षमाथि टिप्पणी गरिएको छ ।
लेखक अर्यालले पुस्तकमा नेपाली समाजमा नारीको स्थान,नारीलाई हेर्ने दृष्टिकोण र गरिने व्यवहारप्रति सुक्ष्म तरीकाले प्रस्तुत गरेका छन् ।
अर्यालका यस अघि आमा काब्य,जैमिनि भारत (बालुन),बाल रश्मी (गीतामाला),दामोदर कुण्ड (तीर्थ महात्म्य) र तीनधाम तीर्थयात्रा (लघुकाब्य) प्रकाशित भैसकेका छन् ।
