प्रतियोगितामा खेलाडी सम्बन्धित देशले निर्धारण गर्ने विषयप्रति आईओसीको आपत्ति

अन्तर्राष्ट्रिय ओलम्पिक कमिटी ‘आईओसी’ले सरकारी अथवा राजनीति हस्तक्षेपले अन्तर्राष्ट्रिय खेलकुद समाप्त हुने जनाएको छ । खेल प्रतियोगितामा खेलाडीको सहभागिता सम्बन्धित देशले निर्धारण गर्ने विषयप्रति आईओसीले आपत्ति जनाएको हो । आईओसीले द्वन्द्वग्रस्त राष्ट्र युक्रेनसहित रुस र बेलारुसका खेलाडीलाई अन्तर्राष्ट्रिय खेलकुदमा पुनरागमन गराउन सहजकर्ताका भूमिका निर्वाह गर्दै आएको छ । त्यसमा रुस र बेलारुसले आपत्ति जनाएपछि आईओसीको पछिल्लो भनाइ आएको हो । आईओसीले रुस र बेलारुसलाई ओलम्पिकमा सहभागिता जनाउनका लागि तटस्थ झन्डामुनि रहेर खेल्ने वातावरण बनाइरहेको समयमा पछिल्लो धारणा सार्वजनिक भएको हो । युरोपेली मुलुकले भने दुबै देशका खेलाडीलाई प्रतिबन्ध लगाउन दबाब दिइरहेका छन । युक्रेनले आईओसीले दोहोरो चरित्र निभाएको आरोप लगाएको छ । युक्रेनले रुस तथा बेलारुसका खेलाडी पेरिस ओलम्पिक २०२४ मा सहभागी भए आफूहरू समावेश नहुने चेतावनी दिएको छ ।