सातौं प्रधानमन्त्री कप एनभीए महिला तथा पुरुष राष्ट्रिय भलिबल क्लब च्याम्पियनसिपमा त्रिभुवन आर्मी क्लबले लगातार दोस्रो जित निकालेको छ । आज भएको खेलमा आर्मीले दावाली मिलन क्लबलाई ३–० को सोझो सेटमा पराजित गरेको हो । आर्मीले दावालीलाई पहिलोमा २५–१९, दोस्रोमा २५–११ र तेस्रोमा २५–२० ले पराजित ग¥यो । पहिलो खेलमा आर्मीले शैलुङ बागढुङ्गा क्लबलाई ३–० ले पराजित गरेको थियो । अर्को खेलमा टिपटप हेल्प नेपालले सैलुङमाथि २५–१२, २५–१५ र २५–१९ को सहज जित हात पारेको छ । सैलुङले सोमबार नेपाल पुलिस क्लबसँग खेल्नेछ । त्यस्तै टिपटप हेल्प नेपालको भने यो पहिलो खेल हो । हेल्प नेपालले सोमबार दावाली मिलसँग खेल्नेछ । आज महिलातर्फ दिउँसो दुई बजे एपिएफ र गण्डकीबीच प्रतिस्पर्धा हुनेछ । दिउँसो चार बजे न्यु डायमन्ड र एभरेष्ट क्लबबीच प्रतिस्पर्धा हुनेछ । दिनको अन्तिम खेलमा आर्मी र पुलिसबीच साँझ ६ बजे प्रतिस्पर्धा हुनेछ ।
