पर्वत । प्रादेशिक अस्पताल पर्वतले गत वर्ष ७३ हजार भन्दा बढी बिरामीलाई उपचार सेवा दिएको छ ।
अस्पतालबाट आर्थिक वर्ष ०८१/०८२ मा ७३ हजार ५ सय ६४ जनाले उपचार सेवा पाएका हुन् । अस्पतालमा सेवा विस्तार गरिएपछि उपचारका लागि पुग्नेको संख्या बढेको छ । अस्पताले आकास्मीक सेवा ९ हजार ४ सय ५१ जनालाई दिएको जनाएको छ ।
त्यस्तै, अस्पतालमा २५ सय ३१ जना नयाँ बिरामी थपिएका छन् । २ सय ८ जनाले प्रसुती सेवा लिएका छन तिमध्ये ९३ जनाको शल्यक्रिया गरिएको छ । त्यस्तै, २४ सय ३९ पटक मृगौला रोगीलाई डायलाइसिस सेवा अस्पतालले दिएको छ ।
अस्पतालमा हाल ६ जना विशेषज्ञ चिकित्सक सहित एक सय १६ जना कार्यरत छन् ।
