चितवन । चितवनको भरतपुर महानगरपालिकाले विपन्न समुदायका घरघरमा स्वच्छ खानेपानीको पहुँच पुर्याउन ‘विपन्न धारा जडान कार्यक्रम’ सञ्चालन गर्दै आएको छ ।
जगतपुर केरुङ्गा खानेपानी तथा सरसफाई उपभोक्ता समिति मार्फत भरतपुर महानगरपालिका प्रमुख रेनु दाहालले एक कार्यक्रमका बीच ७५ परिवारलाई धारा वितरण गरिन् ।
सो क्रममा उनले स्वच्छ पानी पाउनु सबैको नैसर्गिक अधिकार भएको हुँदा स्वस्छ खानेपानी विपतरण कार्यक्रम महानगरको प्राथमिकता रहेको बताइन् ।
आर्थिक अभावका कारण वर्षौंदेखि धारा जडान गर्न नसकेका परिवारहरू अहिले महानगरको ‘विपन्न धारा जडान कार्यक्रम’ कार्यक्रम मार्फत आफ्नै घरमै स्वच्छ पानी पिउन पाउने भएका छन् ।
