काठमाडौं । जनता समाजवादी पार्टी नेपालका अध्यक्ष उपेन्द्र यादवले चुरे र वन विनाशका कारण मधेस मरुभूमि बन्ने खतरा रहेको चेतावनी दिएका छन् ।
सर्लाही सदरमुकाम मलंगवामा बिहीबार पार्टी अधिवेशन उद्घाटन समारोहमा उनले जलस्रोतको धनी नेपालमा पानीको अभाव हुनु दुर्भाग्यपूर्ण भएको बताए ।
भूमि विधेयकमार्फत सरकारले मधेसको जल, जंगल र जमिन नष्ट गर्न खोजेको आरोप लगाउँदै उनले विधेयकलाई राष्ट्र र मधेस विरोधी भएको टिप्पणी गरे ।
अध्यक्ष यादवले सरकारले विधेयक फिर्ता नलिए मधेसी जनता चुप नबस्ने चेतावनी पनि दिए ।
