पर्वत । पर्वतमा जेष्ठ नागरिकहरुलाई सामाजिक सुरक्षा भत्ताका लागि राष्ट्रिय परिचय पत्र लिन चुनौती देखिएको छ ।
बुढ्यौली उमेर, कान कम सुन्ने र लौरोको सहारामा बाटो काटनुपर्ने बाध्यता हुँदा समस्या देखिएको हो । नागरिकता भएर पनि पुन राष्ट्रिय परिचय पत्र बनाउन जिल्लामा नै पुग्नु पर्दा गाउँ गाउँमा आएको सरकारको कुनै काम नभएको जस्तो लागेको बृद्धबृद्धाको गुनासो छ ।
सवारीको चापलाई छिचोलेर दिनभर लाईन बसेर परिचय पत्र बनाउनुपर्ने भएका कारण पर्वतका जेष्ठ नागरिकलाई सास्ती भएको हो । वडामार्फत फर्म भरेका परिचय पत्र नआउँदा पनि जेष्ठ नागरिकलाई थप सास्ती भएको जनप्रतिनिधिको भनाइ छ ।
पर्वतमा ६१ वडा र सात स्थानीय सरकार रहेका हुन् । सबै वडाका जेष्ठ नागरीकहरु भदौ मसान्त भित्र जिल्ला प्रशासनमा पुगेर राष्ट्रिय परिचयपत्र बनाउन सूचना जारी गरेका छन् ।
