भोजपुर । भोजपुरको पश्चिमी क्षेत्रमा अवस्थित टेम्केमैयुङ गाउँपालिका – ६ कोट फुसको छानोमुक्त वडा बनेको छ ।
वडा कार्यालयको सकृयतामा यहाँका १०८ घरको फुसको छानो हटाएर जस्ताको छानो लगाइएसँगै वडा फुसको छानोमुक्त भएको हो ।
वषौँबाट चुहिने फुसको छानोमा बस्दै आएका स्थानीय जस्तापाताको छानो पाएपछि खुसी भएका छन् । वडा कार्यालयले २० लाख बजेट विनियोजन गरेर काम थालनी गरेकोमा केन्द्र सरकारले पनि अभियान सञ्चालन गरेपछि फुसको छानोमुक्त बनाउन थप सहज भएको जनप्रतिनिधिको भनाइ छ ।
जनताको चाहना तथा आवश्यकताको आधारमा गरिव तथा विपन्न परिवारलाई जस्तापाताको छाना दिइएको हो । वडा कार्यालयको तर्फबाट ४३ सहरी विकास कार्यालयको तर्फबाट ६५ गरि १०८ घरलाई जस्ताको छानो वितरण गरिएको हो ।
