एजेन्सी । बीबीसीका महानिर्देशक टिम डेभी र समाचार प्रमुख डेबोरा टर्नेसले एकै दिन राजीनामा दिएका छन । एक ‘पानोरमा’ डकुमेन्ट्रीले अमेरिकी राष्ट्रपति डोनाल्ड ट्रम्पको भाषण सम्पादन गरी दर्शकलाई भ्रममा पारेको भन्ने आलोचना भएपछि दुबैजनाले राजीनामा दिएका हुन । बीबीसीको इतिहासमा महानिर्देशक र समाचार प्रमुखले एकै दिन राजीनामा दिनु अभूतपूर्व घटना हो । सोमबार ’द टेलिग्राफ’ ले सार्वजनिक गरेको आन्तरिक बीबीसी मेमोमा पानोरमा कार्यक्रमले ट्रम्पको भाषणको दुई भागलाई जोडेर जनवरी २०२१ को क्यापिटल हिल दङ्गालाई प्रोत्साहन गरेको देखिने गरी प्रस्तुत गरिएको थियो । त्यसपछि राजीनामा घोषणा गर्दै डेभीले टर्नेसले पनि पानोरमा विवादले ‘बीबीसीलाई क्षति पु¥याएको स्वीकार गरेका हुन । पाँच वर्षदेखि महानिर्देशकको भूमिकामा रहेका डेभीले पछिल्लो समय बीबीसीमाथि लाग्दै आएका पक्षपात र विवादहरूको कारण बढ्दो दबाबको सामना गरेका थिए । बेलायती राजनीतिक नेताहरूले यो राजीनामापछि बीबीसीमा परिवर्तन आउने अपेक्षा राखेका छन भने अमेरिकीइ राष्ट्रपति ट्रम्पले निर्णयको स्वागत गरेका छन ।।
