पर्वत । आर्थिक वर्ष २०८१/०८२ मा पर्वतमा १८ सय ९२ घरधुरीमा एक घर एक धारा अवधारणा अन्र्तगत पिउने पानीको पहुँच पुगेको छ ।
सात स्थानीय तहमा खानेपानी तथा सरसफाई डिभिजन कार्यलय वाग्लुङका ७४ आयोजनावाट एक हजार २ सय ४२ धारा जडान भएका छन् । संघीय ससर्त अनुदान मार्फत १८ आयोजना मार्फत ५ सय ५४ घरधुरीमा धारा जोडिएका पछि पधेँरा इनारबाट पानी बोक्नुपर्ने बाध्यता हटेको छ ।
खानेपानी तथा सरसफाई डिभिजन कार्यलयका अनुसार संघ प्रदेश गरी कुल १५ करोड ६ लाख बजेटमा १४ करोड ८६ लाखका योजना गत बर्ष सम्पन्न भएका छन् ।
पर्वतमा १७ हजार ५ सय ४६ घरधुरीमा एकघर एक धारा खानेपानीको सुविधा पुगेको छ । अझै ३० हजार घरधुरी सार्वजनिक धाराको पानी प्रयोग गर्दै आएका छन् ।
