एजेन्सी । अमेरिकाको टेक्ससमा आएको बाढीमा परी मृत्यु पुगेको संख्या ४३ पुगेको छ ।
अन्तर्राष्ट्रिय सञ्चार माध्यमका अनुसार मृतकमा १५ बालबालिका पनि छन । बाढीमा फसेका ८५० जनाको भने उद्धार गरिएको छ । २७ युवतीसहित धेरै जना बेपत्ता छन । उनीहरूको खोजी जारी छ ।
अमेरिकाको राष्ट्रपति डोनाल्ड ट्रम्पले भीषण बाढीपछि उद्धारका लागि राज्य र स्थानीय अधिकारीहरूसँग मिलेर काम गरिरहेको जनाएका छन । टेक्सासमा ३०० मिलिमिटरसम्म वर्षा भएको जनाइएको छ ।
कुनै चेतावनी बिनै अचानक विहान आएको बाढीका कारण ठूलो जनधनको क्षति भएको स्थानीय अधिकारीहरुले जनाएका छन् । टेक्सासका अधिकारीहरुका अनुसार कर काउन्टीमा १४ वटा हेलिकोप्टर, १२ वटा ड्रोन र ५०० भन्दा बढी सुरक्षाकर्मीहरु परिचालन गरी उद्धार कार्य चलिरहेको छ ।
