एजेन्सी।ब्राजिलको सर्वोच्च अदालतले पूर्व राष्ट्रपति जाइर बोल्सोनारोलाई कथित ‘कू प्रयास’ सम्बन्धी मुद्दाको सामना गर्नुअघि गृह नजरबन्दमा राख्ने आदेश दिएको छ ।
र्वोच्च अदालतका न्यायाधीश अलेक्जेन्ड्रे डि मोराइसले बोल्सोनारोले अदालतको आदेश अवहेलना गरेको आरोप लगाउँदै उनलाई गृह नजरबन्दमा राख्न आदेश दिएका हुन । न्यायाधीश मोराइसले बोल्सोनारोलाई वकिल र अदालतले अनुमति दिएका बाहेक मोबाइल फोन प्रयोग गर्न वा कसैको भेटघाट गर्न पनि प्रतिबन्ध लगाएका छन्।
सोमबार साँझ बोलल्सोनारोको ब्रासिलियास्थित घरमा प्रहरी पुगेर मोबाइल जफत छ । बोल्सोनारोका वकिलहरूले अदालतको आदेशको अपील गर्ने बताएका छन् । अदालतको आदेश अमेरिकी राष्ट्रपति डोनाल्ड ट्रम्पले ब्राजिलमाथि भन्सार प्रतिबन्ध लगाएका बेला आएको हो । जसले द्विपक्षीय सम्बन्धमा थप तनाव ल्याउने अनुमान गरिएको छ ।
अमेरिकी विदेश मन्त्रालयले बोल्सोनारोलाई नजरबन्द राखिएको विषयमा आपत्ति जनाउँदै ब्राजिलका केही न्यायाधीशहरूले लोकतन्त्र र अभिव्यक्ति स्वतन्त्रता दमन गरिरहेको बताएको छ । बोल्सोनारोमाथि २०२२ को राष्ट्रपति चुनावमा हार स्वीकार नगरी सत्ता उल्ट्याउने प्रयासमा संलग्न भएको अभियोग लागेको छ ।
ट्रम्पले यो मुद्दालाई राजनीतिक प्रतिशोधको संज्ञा दिदै आएका छन । सोही कारण उनले ब्राजिलमाथि बुधबारदेखि लागू हुने गरी ५० प्रतिशत भन्सार शुल्क घोषणा गरेका छन ।
