काठमाडौं । बंगलादेशले साफ बीस वर्ष मुनि महिला फुटबलको उपाधि जितेको छ ।
अन्तिम खेलमा नेपाललाई ४–० ले हराउँदै बंगलादेशले पाँचौं पटक उपाधि हात पारेको हो । नेपाल भने तेस्रो पटक उपविजेतामा सिमित बनेको छ ।
नेपालविरुद्ध एकतर्फी जित निकाल्ने क्रममा बंगलादेशका लागि सागरिकाले सबै चार गोल गर्दै टिमलाई उपाधि दिलाइन् । पहिलो हाफमा १–० ले पछि परेको नेपालले दोस्रो हाफमा थप ३ गोल खाँदै पराजित भएको हो ।
४ टोली सहभागी प्रतियोगितामा डबल राउन्डरोविनका आधारमा शीर्ष स्थानमा रहने टिम च्याम्पियन बन्ने कार्यतालिका अनुसार बंगलादेश अपराजित रहँदै च्याम्पियन बनेको हो । सबै ६ खेलमा जित निकाल्दै बंगलादेश १८ अङ्क बनाएर शीर्ष स्थानमा रह्यो भने नेपाल १२ अङ्कमा रोकियो ।
नेपालले दुवै खेल बंगलादेशसँग हारेको हो ।
