काठमाडौं । प्रधानमन्त्री के.पी. शर्मा ओली तुर्कमेनिस्तान भ्रमणमा जाने भएका छन् ।
सोमबार साँझ बालुवाटारमा बसेको मन्त्रिपरिषद्को बैठकले आगामी साउन १८ गतेदेखि २३ गतेसम्मको लागि प्रधानमन्त्री ओलीको भ्रमण अनुमोदन गरेको हो ।
प्रधानमन्त्री ओली भूपरिवेष्ठित विकासशील राष्ट्रहरूको तेस्रो सम्मेलनमा सहभागी हुन तुर्कमेनिस्तानको अभाजा जाँदै छन्।
उक्त सम्मेलन साउनको तेस्रो साता अभाजामा आयोजना हुँदैछ ।
