एजेन्सी । भारत उत्तराखण्डको चमोली जिल्लास्थित थराली क्षेत्रमा शुक्रबार राति बादल फाटेर आएको बाढीले ठूलो क्षति पुर्यएको छ ।
राति करिव साढे १२ बजेदेखि एक बजेसम्म बादल फाटेर आएको बाढी एसडीएम आवाससहित स्थानीय बासिन्दाका घरमा पस्दा जनधनको क्षति भएको हो ।
भारतीय सञ्चार माध्यमका अनुसार बाढीपछि आएको पहिरोमा पुरिएर एक २० वर्षीया युवतीको मृत्यु भएको छ भने एक व्यक्ति हराइरहेको स्थानीय अधिकारीहरुले जनाएका छन् । एनडीआरएफ र एसडीआरएफको टोलीले घटनास्थल पुगेर उद्धार कार्य जारी राखेको छ ।
भारी वर्षाका कारण थरालीलाई जोड्ने कर्णप्रयाग–ग्वालदम राष्ट्रिय राजमार्ग पनि अवरुद्ध भएको समाचारमा उल्लेख छ ।
