काठमाडौं । नेपाली बजारमा आइतबार (आज) सुनको मूल्य बढेको छ ।
नेपाल सुनचाँदी व्यवसायी महासङ्घका अनुसार लगातार उकालो लागेको सुनको मूल्य आजपनि बढेको हो ।
शुक्रबार तोलामा १ लाख ९७ हजार १ सय रुपैयाँ कायम भएको छापावाल सुनको मूल्य आइतबार ४ सय रुपैयाँले बढेर तोलामा १ लाख ९७ हजार ५ सय रुपैयाँ कायम भएको छ ।
यस्तै, आज चाँदीको मूल्य भने स्थिर रहेको छ । शुक्रबार तोलामा २ हजार १६५ रुपैयाँ कायम भएको चाँदीको मूल्य आइतबार पनि सोही मूलयमा कारोबार भइरहेको महासंघले जनाएको छ ।
