काठमाडौं । राष्ट्रिय स्वतन्त्र पार्टी (रास्वपा)ले आज तेस्रो पार्टी स्थापना दिवस मनाउँदैछ ।
राष्ट्रिय स्वतन्त्र पार्टीले सभापति रवि लामिछानेको उपस्थितिविना नै तेस्रो पार्टी स्थापना दिवस मनाउँन लागेको हो ।
आज रास्वपाले ‘लुटतन्त्रको खारेजी एवं सुसंस्कृत राजनीतिको संवर्द्धनका लागि सडक र संसदमा’ भन्ने मूल नारासहित देशव्यापी अभियान सञ्चालन गरी पार्टीको तेस्रो स्थापना दिवस मनाउँन लागेको छ ।
पार्टीका संस्थापक सभापति लामिछाने सहकारी ठगी मुद्दाको आरोपमा पुर्पक्षका लागि जेलमा कारागारमा छन् । विभिन्न सहकारीको बचत रकम हिनामिना गरेको आरोपमा उनीविरुद्ध ठगी, संगठित अपराध र सम्पत्ति शुद्धीकरणसम्बन्धी मुद्दा लागेको छ ।
अहिले पुर्पक्षमै रहेर उनले काठमाडौंसहित चितवन, कास्की, रुपन्देही र पर्सा जिल्ला अदालतमा मुद्दा लडिरहेका छन् ।
