काठमाडौं । सिराहामा खुकुरी प्रहारबाट भाइले आफ्नै दाइको हत्या गरेका छन् ।
सिराहाको गोलबजार नगरपालिका ३ मुसहर्नियाँ पुराण्डिहका २५ वर्षीय श्याम सदाको खुकुरी प्रहारबाट उनकै दाइ ३५ वर्षीय लेलहा भन्ने मोतीराम सदाको हत्या भएको हो ।
जिल्ला प्रहरी कार्यालय सिराहाका अनुसार बिहीबार राति श्याम र उनकी श्रीमती कौशल्या सदाबीच घरायसी विवाद भइरहेको थियो । विवाद छुट्टाउन गएका दाइ मोतीराम भाइ श्यामले खुकुरी प्रहार गरेका थिए ।
खुकुरी प्रहारबाट गम्भीर घाइते भएका मोतीरामको प्रादेशिक अस्पताल लहानमा उपचारको क्रममा राति नै मृत्यु भएको प्रहरीले जनाएको छ ।
