एजेन्सी । बंगलादेशमा लडाकु विमान दुर्घटना हुँदा २० जनाको मृत्यु भएको छ ।
चिनियाँ निर्मित एफ–७ बीजेआई एफ–७ बीजेआई लडाकु विमान सोमबार दिउँसो स्थानीय समय अनुसार १ बजे प्रशिक्षणका लागि उडेको केही समयमै ढाकास्थित मिलस्टोन स्कूल एन्ड कलेजमा खसेर दुर्घटनाग्रस्त भएको हो ।
अनतर्राष्ट्रिय सञ्चार माध्यमका अनुसार दुर्घटनामा १७० व्यक्ति घाइते भएका छन् । मृतकमध्ये धेरैजसो विद्यार्र्थी र क्याम्पसका कर्मचारीहरु रहेका छन् । विमान दुर्घटना लगत्तै विमानमा आगलागी हुँदा क्याम्पसको भवन जलेर ध्वस्त भएको छ ।
दुर्घटनाको खबर पाएलगत्तै क्याम्पसका विद्यार्थीका अभिभावकहरुमा कोलाहल मच्चिएको थियो । यसैबीच बंगलादेश सरकारले मंगलबार राष्ट्रिय शोकको घोषणा गरेको छ । यो विगत केही दशक यताकै सबैभन्दा गम्भीर विमान दुर्घटना हो ।
यसअघि बंगलादेशमा सन् १९८४ मा भएको विमान दुर्घटनामा ४९ जनाको ज्यान गएको समाचारमा उल्लेख छ ।
