काठमाडौं । अन्तर्राष्ट्रिय बजारमा सुनको मूल्यमा वृद्धि भएसँगै त्यसको प्रभाव स्थानीय बजारमा पनि परेको छ । बुधबारको तुलनामा आज सुन तोलामा ५ सय रुपैयाँले बढेको छ ।
नेपाल सुनचाँदी व्यवसायी महासङ्घका अनुसार आज एक तोला सुनको मूल्य १ लाख ९३ हजार ७ सय रुपैयाँ कायम भएको छ । बुधबार छापावाल सुनको मूल्य तोलामा १ लाख ९३ हजार २ सय रुपैयाँ कायम भएको थियो ।
यस्तै, आज चाँदीको मूल्य स्थिर रहेको छ । चाँदी तोलामा २ हजार ७५ रुपैयाँ कायम भएको महासंघले जनाएको छ ।
