काठमाडौं । नेपाली कांग्रेसका सभापति शेरबहादुार देउवाले गुरुङको निधनप्रति गहिरो दुःख व्यक्त गरेका छन् ।
उनले गुरुङको चिरशान्तिको कामना र शोक सन्तप्त परिवारजनप्रति समवेदना प्रकट गरेका हुन् ।
देउवाले गुरुङको निधनले पार्टीले एक अग्रज र अनुभवी नेतृत्वलाई गुमाएको बताउँदै नेपाली कांग्रेसको संगठन निर्माण र नेपालको लोकतान्त्रिक आन्दोलनमा निर्वाह गरेको नेतृत्वदायी भूमिका पार्टीमा सदा स्मरणीय रहिरहने बताएका छन् ।
नेपाली कांग्रेसका नेता एवं गण्डकी प्रदेशका पूर्वप्रमुख पृथ्वीमान गुरुङको शनिबार बिहान ८ बजे आफ्नै निवास चितवनमा निधन भएको हो ।
नेपाली कांग्रेस चितवनका पूर्वसभापति समेत रहेका गुङको ७६ वर्षको उमेरमा निधन भएको हो । गुरुङ विगत लामो समयदेखि क्यान्सर रोगसँग लड्दै आएका थिए ।
