काठमाडौं । इन्डियन प्रिमियर लिग (आई.पी.एल.) क्रिकेटको फाइनलमा पुग्न आज मुम्बई इन्डियन्स र पन्जाब किङ्ग्स खेल्दैछन् ।
खेल अहमदाबादमा नेपाली समय अनुसार बेलुका पौने ८ बजे शुरू हुनेछ । आज हुने दोस्रो क्वालिफायरको विजेता टोलीले उपाधिका लागि मङ्गलबार रोयल च्यालेन्जर्स बेङ्गलुरुसँग खेल्नेछ ।
इलिमिनेटर खेलमा गुजरात टाइटन्सलाई हराउँदै मुम्बई इन्डियन्स दोस्रो क्वालिफायरमा पुगेको हो ।
पन्जाब पहिलो क्वालिफायरमा रोयल च्यालेन्जर्स बेङ्गलुरुसँग पराजित हुँदा दोस्रो क्वालिफायर खेल्न लागेको हो ।
