२०८३ साल भाद्र १० गते रसुवा जिल्लाको भोटेकोशी तथा त्रिशूली नदीमा आएको विनाशकारी बाढी र पहिरोबाट भएको ठूलो धनजनको क्षतिप्रति एम।भी। दुगड़ ग्रुप परिवार गहिरो दुःख व्यक्त गर्दछ।
यस प्राकृतिक विपद्मा ज्यान गुमाउनुभएका सम्पूर्ण नागरिकहरु प्रति भावपूर्ण श्रद्धान्जली अर्पण गर्दै शोकाकुल परिवारजनप्रति गहिरो समवेदना प्रकट गर्दछौं। बेपत्ता व्यक्तिहरूको सकुशल उद्धार होस् भन्ने कामना गर्दछौं तथा घाइतेहरूको शीघ्र स्वास्थ्य लाभको प्रार्थना गर्दछौं। विस्थापित तथा प्रभावित नागरिकहरूको उद्दार, राहत र पुनःस्थापनाका लागि नेपाल सरकार, सुरक्षा निकाय, स्थानीय तह तथा विभिन्न संघ संस्थाहरूले गरिरहेको अथक प्रयासप्रति हामी उच्च सम्मान व्यक्त गर्दछौं।
यस कठिन र पीडादायी घडीमा प्रभावित नागरिकहरूप्रति ऐक्यबद्धता जनाउँदै एम।भी। दुगड़ ग्रुप तथा ग्रुपको अटोमोबाइल्स डिभिजनमा कार्यरत कर्मचारीहरूको स्वेच्छिक आर्थिक सहयोग समेत गरी कुल रु। १ करोड ११ लाख ९अक्षरेपी एक करोड एघार लाख रुपैयाँ मात्र० बराबरको चेक प्रधानमन्त्री दैवी प्रकोप उद्धार कोषमा जम्मा गर्ने प्रयोजनका लागि आज माननीय अर्थमन्त्रीज्यूलाई हस्तान्तरण गरिएको छ। उक्त चेक ग्रुपका अध्यक्ष श्री मोतीलाल दुगड़, उपाध्यक्ष श्री विवेक दुगड़ तथा सञ्चालक श्री शुभम दुगड़ द्वारा हस्तान्तरण गरिएको हो।
पीडित नागरिकहरूलाई तत्काल राहत तथा पुनःस्थापनामा सहयोग पुगोस् भन्ने उद्देश्यले उक्त रकम प्रदान गरिएको छ। विपद्को सामना गर्न नेपाल सरकारसँग हातेमालो गर्दै मानवीय सहयोग र सामाजिक उत्तरदायित्व निर्वाह गर्न एम।भी। दुगड़ ग्रुप सधैँ प्रतिबद्ध रहेको छ।
यस प्रकारका विनाशकारी विपद् बढ्नुको एक प्रमुख कारण जलवायु परिवर्तन तथा ग्लोबल वार्मिङ हो भन्ने विज्ञहरूको मत रहेको सन्दर्भमा, यो ग्रुपले वि।सं। २०७८ सालदेखि देशव्यापी रूपमा वृक्षारोपण कार्यक्रम सञ्चालन गर्दै आएको छ। हालसम्म वन क्षेत्रमा ३ लाखभन्दा बढी बोटबिरुवा तथा ६ किलोमिटरभन्दा लामो राजमार्ग खण्ड, विभिन्न विद्यालय, प्रहरी कार्यालय र सशस्त्र प्रहरी कार्यालय परिसरमा २५ हजारभन्दा बढी उन्नत जातका फलफूलसहितका बिरुवा रोपी संरक्षण गर्ने कार्य भएको छ। ग्लोबल वार्मिङको असर कम गराउने यस कार्यमा ग्रुप र ग्रुपका कर्मचारीहरू निरन्तर लागिपरेका छन्। भविष्यमा पनि यस कार्यक्रमलाई उच्च प्राथमिकताका साथ निरन्तरता दिने प्रतिबद्धता व्यक्त गर्दछौं।
मोतीलाल दुगड़, अध्यक्ष
विवेक दुगड़, उपाध्यक्ष
शुभम दुगड़, सञ्चालक तथा एम।भी। दुगड़ ग्रुप परिवार
मितिस् २०८३ साल भाद्र २२ गते
